Eignir í sölu hjá Domusnova

Domusnova kynnir byggingarlóð að Norðlingabraut 6. Frábær staðsetning, skipt hefur verið um jarðveg og gatnagerðargjöld greidd af 4200m. Um er að ræða að selja lóðina ásamt fullbúinni byggingu í samráði við kaupanda. Myndir eru tölvuteikningar af hugsanlegum byggingum á lóðinni en engar byggingar eru á lóðinni nú.

Lóðin er á góðum stað í Norðlingaholti, við helstu stofnæð höfuðborgarsvæðisins, en um er að ræða síðustu óbyggðu atvinnuhúsalóðina á svæðinu.
Stærð lóðarinnar er 6.076fm, nýtingarhlutfall er 0,7 og byggingarmagn er 4.253fm. á 1-3 hæðum.
Skipt hefur verið um jarðveg á lóðinni og hafa gatnagerðargjöld verið greidd (4200fm) en önnur gjöld s.s. tengigjöld og úttektargjöld greiðast af kaupanda þegar við á.
Fyrir liggur samþykkt byggingarleyfisumsókn vegna staðsteyptrarar verkstæðisbyggingu fyrir réttinga- og sprautuverkstæði, nýr aðili getur haft áhrif á útlit og hönnun húsnæðisins í samráði við lóðarhalfa og fær húsið afhent fullbúið og tilbúið til notkunar. Myndir af húsum sem sjást eru tillögur/hugmyndir en ekki endanleg hönnun sem gerð verður í samráði við kaupanda.

Lóðin er á svæði AT3 samkvæmt aðalskipulagi en um það gildir:
Athafnasvæði (AT) Svæði fyrir atvinnustarfsemi þar sem lítil hætta er á mengun svo sem léttur iðnaður, hreinleg verkstæði, bílasölur og umboðs- og heildverslanir. Einnig atvinnustarfsemi sem þarfnast mikils rýmis, t.d. vinnusvæði utandyra á lóðum eða starfsemi sem hefur í för með sér þungaflutninga, svo sem vörugeymslur og matvælaiðnaður. (gr. 6.2.e. í skipulagsreglugerð). Íbúðir, hótel og gististaðir eru ekki heimil á athafnasvæðum í Reykjavík. Smásöluverslun er almennt ekki heimil á athafnasvæðum, nema það sé sérstaklega tilgreint í sérákvæðum fyrir viðkomandi athafnasvæði og þá einkum rýmisfrek verslun. Óheimilt er að veita leyfi til rekstrar nýrra matvöruverslana á athafnasvæðum. Skrifstofur sem tengjast grunn starfsemi athafnasvæða, sbr. skipulagsreglugerð, eru heimilar.
AT3. Gylfaflöt, Smálönd, Norðlingaholt Fyrst og fremst léttur iðnaður, sem ekki hefur í för með sér mengun, verkstæði, umboðs- og heildverslanir, skrifstofur tengdar umræddri starfsemi, þjónusta og rýmisfrek verslun, svo sem bílasölur.

Nánari upplýsingar veita:
Árni Helgason löggiltur fasteignasali / s.663 4290 / [email protected]
Skrifstofa / s.527-1717 / [email protected]

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Gjöld sem kaupandi þarf að standa straum af vegna kaupanna:

1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.