Hrannar Jónsson, löggiltur fasteignasali og Domusnova fasteignasala kynna:
Falleg og björt jarðhæð með sér inngangi í Vogahverfinu í Reykjavík.
Smelltu hér til að fá söluyfirlit sent strax!
Um er að ræða 98,5 fm jarðhæð með sérinngangi, forstofu, eldhúsi, tveimur svefnherbergjum, baðherbergi með baðkari og sturtu, rúmgóðri stofu með útgengt á sérafnotareit ásamt því að innangengt er í geymslu og sameiginlegt þvottahús.
Eignin hefur fengið jafnt og gott viðhald síðustu árin, eldhúsgluggi endurnýjaður nýlega, aðrir gluggar í góðu standi og nýlega málaðir. Vatnslagnir voru endurnýjaðar frá grind og út í götu og frárennsli fóðrar fyrir u.þ.b. ári síðan. Rafmagn og tafla eru ekki upprunaleg og þak var endurnýjað 2019 (pappi, járn, rennur og kantur).
Búið að setja gólfhita í öll gólf íbúðar utan við baðherbergi.
Nánari lýsing: Sérinngangur - á austurhlið hússins. Forstofa - flísalögð og með fatahengi. Eldhús - var endurnýjað fyrir nokkrum árum, flísar á gólfi, bjartur eldhúsgluggi, pláss fyrir einfaldan ísskáp, tengi fyrir uppþvottavél og gott rými fyrir eldhúsborð. Svefnherbergi - rúmgott, bjartur og stór gluggi, parket á gólfi, ekki fataskápur. Stofa/borðstofa - mjög björt og rúmgóð, parket á gólfi og útgengt út á hellulagðan sérafnotareit í garði með skjólveggjum. Hjónaherbergi - mjög rúmgott, góður fataskápur, parket á gólfi og bjartur gluggi. Baðherbergi - með innréttingu með vaski, baðkari með sturtu, upphengdu klósetti, flísar á gólfi og veggjum. Geymsla - sem búið er að opna inn í úr íbúð og úr henni innangengt fram á sameign þar sem er sameiginlegt þvottahús.
Fallegur og skjólgóður garður í sameign, staðsetning mjög góð miðsvæðis, stutt á skóla og leikskóla ásamt allri helstu þjónustu í göngufæri.