Austurkór 175 , 203 Kópavogur
137.000.000 Kr.
Einbýli/ Einbýlishús á tveimur hæðum
6 herb.
243 m2
137.000.000
Stofur
2
Svefnherbergi
5
Baðherbergi
3
Inngangur
Sér
Byggingaár
2018
Brunabótamat
97.410.000
Fasteignamat
94.550.000

Hrafnkell Pálmi lgf og Björgvin Þór lgf kynna stórglæsilegt nýlegt 243,9 fm einbýlishús við Austurkór 175 í  Kópavogi. 

Opið hús: Austurkór 175, 203 Kópavogur.  
Eignin verður sýnd mánudaginn 23. nóvember 2020 milli kl. 17:00 og kl. 17:30.
****Boða þarf komu sína á: [email protected]****
 
Hér er um að ræða viðhaldslétta eign í sérflokki á einum glæsilegasta útsýnisstað höfuðborgarsvæðisins.
Húsið er tveggja hæða og er aðkoma að húsinu inn á efri hæð. 
Opið alrými með gólfsíðum gluggum, mikilli lofthæð og útgengt á stórar suðursvalir. 
Hjónasvíta með sér baðherbergi og fataherbergi.

Fimm svefnherbergi og möguleiki á því sjötta, þrjú baðherbergi, eldhús, þvottahús, tvær stofur og innangengt í bílskúr.

Myndband af eigninni

Stórfenglegt útsýni frá borðstofu og stofu, til suðurs og vesturs. 
Svalir í suður og austur átt. 


Bóka skoðun: [email protected]


Nánari lýsing á eigninni

Efri hæð: Hönnun efri hæðar miðar að því að skapa opið og bjart umhverfi. Mikil lofthæð og gluggar við hæsta punkt þaksins taka skemmtilega á móti morgunsól. Stórir fataskápar eru felldir inn í hlaðin útskot sem setja sterkan svip á hæðina. Búið er að koma rafmagni uppá skápana og er það hugsað fyrir LED lýsingu eða lýsingu í innréttingar. Stórfenglegt útsýni er úr stofu. Á hæðinni er innbyggður bílskúr sem búið er að skipta í tvö herbergi. Sér slökkvari fyrir hvort rými. Epoxy á gólfi. Baðherbergi með innréttingu úr Tengi. Eldhúsið er feiknarstórt, með spanhelluborði, tveim ofnum, uppþvottavél og plássi fyrir tvöfaldan ísskáp. Innréttingin er VH7 frá HTH, og tækin eru AEG. Innfelldur vaskur. Gluggar í borðstofu ná niður í gólf. Frágangur glugga er einkar veglegur. Tvennar hurðar eru út á stórar svalir sem víkkar enn útsýnið frá húsinu. Gólfefni á hæðinni eru ljóst „Aspen Oak“ harðparket og dökkar ítalskar Betontech „four shades“ 60x60 flísar. Sömu flísar og parket eru á öllu húsinu að undanskildum svölum og bílskúr, sem hvoru tveggja eru epxoylögð. Gluggatjöld frá Sólargluggatjöldum tengja skemmtilega saman litaval og innréttingar hússins. Þráðlaus Danfoss gólfhitastýring er í öllu húsinu. Innihurðir frá JP Innréttingum í aukinni hæð, þykkar, sérsmíðaðar, innfelldar með felliþröskuldum. Varmaskiptir er í húsinu. Öll lýsing í og fyrir utan húsið er LED.

      - efri hæð skiptist í: eldhús, borðstofu, stofur, gestasnyrtingu, bílskúr (þar hafa verið útbúin tvö herbergi) 


Neðri hæð: Af efri hæð er gengið niður parketlagðann stiga. Glerveggur með handlista að ofan og punktfestingum að neðan lokar stigaholið af. Hár og mikill gluggi mót stiganum. Þegar komið er niður er gengið inn í sjónvarpshol. Holið er bjart, með einum glugga niður í gólf og öðrum út í garð. Fallegt útsýni. Inn af holi er svo gengið inn svefnherbergisgang. Á honum er þvottahús, stórt bað og þrjú svefnherbergi, þar af eitt með útsýni út á holtið. Við enda gangsins er gengið inn í hjónasvítuna. Í henni er fataherbergi, og sér baðherbergi með sturtu. Bæði baðherbergin eru flísalögð, hólf í gólf, gler í sturtum nær alveg upp í loft. Sturtur eru innbyggðar, sem og blöndunartæki. Innréttingar á baðherbergjum eru VH7 frá HTH, í hvítum lit en með sömu borðplötu og á eldhúsinnréttingu. Upphleyptir stál vaskar og stór spegill með lýsingu á baðherbergjunum. Á stærra baði er gert ráð fyrir frístandandi baðkari. Blöndunartæki fyrir það eru komin upp og eru einnig innbyggð.

      - neðri hæð skiptist í: stofu, þrjú svefnherbergi, tvö baðherbergi, hjónaherbergi, fataherbergi (væri hægt að nýta sem svefnherbergi), þvottahús. 


Utanhúss: Húsið stendur á mörkum Kópavogs og Garðabæjar. Hæðin er sannkölluð útivistarparadís. Fjölmargar gönguleiðir eru við útidyrnar, fjölbreytt náttúra og fuglalíf. Á haustin sjást þar gæsir og á vorin heyrist þar í rjúpum. Lítil ljósmengun er á holtinu og útsýni á stjörnubjörtu vetrarkvöldi því síst lakara en á björtum sumardegi. Í garðinn var sett stórgrýti og sérvalið lyng af suðurlandi. Í því vaxa bláber, krækiber og blóðberg. Garðurinn blandast því og flæðir á fallegan hátt út í útivistasvæðið sem tekur við einungis fáeinum skrefum frá lóðamörkunum.

Búið er að draga í og tengja fyrir sjálfvirkri útilýsingu. Plan fyrir framan hús er tilbúið undir þann frágang sem nýr eigandi kýs. Hugmyndir um það, sem og annan frágang má gjarnan koma á framfæri. Búið er að vinna alla undirvinnu á planinu. Einnig er búið að koma rafmagni út sem ætlað er fyrir lýsingu. Húsið er einangrað að utan og innan. Gert er ráð fyrir heitum potti beint fyrir utan sjónvarpshol. Lagnir fyrir hann eru til staðar og blöndunartæki verða í þvottahúsi. 16A tengill fyrir hleðslu rafbíla til staðar. Semja má um að fá hleðslustöð setta upp. 

Skráð skv. Þjóðskrá: 
Neðri hæð 124,2 fm. 
Efri hæð 90,2 fm og bílskúr 29,5 fm. 
Samtals 243,9 fm. 

Húsið stendur á 539 fm lóð.


Lagnaleið fyrir öryggisskynjara við hurðir og opnanleg fög. Í stofu uppi og í sjónvarpsholi niðri eru rör steypt í veggi til að fela snúrur. Router er í rafmagnstöflu og dregið er í fyrir netbeina á báðum hæðum. Reykskynarara eru í öllum herbergjum og rýmum. 
Húsið er klætt að utan með báruðu járni bæði á þak og veggi úr sama efni. Þakrennur eru í sama lit og klæðningin. Innri frágangur: Húsið er með gólfhitakerfi. Hátt er til lofts og eru loftin klædd með hljóðdempandi plötum.

Fasteignamat næsta árs: 101.700.000

Nánari upplýsingar veita:
Hrafnkell Pálmi Pálmason löggiltur fasteignasali / s.690 8236 / [email protected]
Björgvin Þór Rúnarsson löggiltur fasteignasali / s.8551544 / [email protected]

Skrifstofa / s.527-1717 / [email protected]

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
  1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
  2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.500,- fyrir hvert skjal.
  3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
  4. Umsýsluþóknun fasteignasölu skv. gjaldskrá.
  5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.

Senda fyrirspurn um eignina

Skilaboð hafa verið send.

Sjá söluyfirlit

Skilaboð hafa verið send.