Sléttuvegur 8 , 800 Selfoss
54.300.000 Kr.
Einbýli/ Einbýlishús á einni hæð
5 herb.
159 m2
54.300.000
Stofur
2
Svefnherbergi
3
Baðherbergi
1
Inngangur
Sér
Byggingaár
1972
Brunabótamat
41.770.000
Fasteignamat
37.400.000

           OPIÐ HÚS FELLUR NIÐUR LAUGARDAGINN 11. MAÍ

*********EIGNIN ER SELD MEÐ FYRIRVARA UM FJÁRMÖGNUN*********

DOMUSNOVA KYNNIR: STÓRGLÆSILEGT OG VEL SKIPULAGT EINBÝLISHÚS 159,4 fm, BYGGT 1972, MEÐ TVÖFÖLDUM BÍLSKÚR VIÐ SLÉTTUVEG 8, 800 SELFOSSI.  AUKAÍBÚÐ Í BÍLSKÚR. FALLEGUR GARÐUR, STÓR VERÖND OG HEITUR POTTUR.
Um er að ræða glæsilegt, vandað og vel við haldið timburhús, byggt 1972, innst í rólegum botnlanga í grónu og eftirsóttu hverfi í hjarta bæjarins. Göngufæri er í sundlaug og alla þjónustu. Húsið er á einni hæð með um 80 fm suðurverönd með skjólgirðingu og heitum potti. Helmingur bílskúrsins er innréttaður sem stúdíóíbúð sem leigja má út. Húsið var tekið í gegn fyrir tveimur árum síðan. Það er stílhreint og bjart, með vönduðum innréttingum og tækjum. Ný kamína er í stofu. Húsið samanstendur af  forstofu, gangi, eldhúsi, borðstofu/stofu, þremur svefnherbergjum,  baðherbergi, lítilli geymslu sem á teikningu er gestasnyrting, rúmgóðu þvottahúsi og bílskúrnum.  Garðurinn er gróinn og afgirtur með nýju, fallegu grindverki. Þar er gras, fjölærar plöntur, berjarunnar, tré, gróðurker og gangstétt. Ný útilýsing er á húsi og garðstaur. Innkeyrsla er hellulögð.
Samkvæmt FMR skiptist eignin í íbúð 113,4 fm og bílskúr samtals 46 fm, sem skiptist í um 25 fm stúdíóíbúð og 21 fm bifreiðageymslu.


Nánari lýsing:
Gengið er úr forstofu í svefnherbergisgang t.v. og stofur, eldhús, geymslu og þvottahús t.h. 
Nýtt harðparket er á öllum gólfum nema forstofu, þvottahúsi og baði, þar eru flísar.   
Nýleg, sérsniðin felli- og rúllugluggatjöld fylgja öllum herbergjum. Öll blöndunartæki eru ný.
Forstofa er rúmgóð með stórum fataskáp, nýlegri rafmagnstöflu og nýjum náttúrumarmara á gólfi.
Eldhús er bjart og rúmgott, með vandaðri innréttingu og tækjum. Skápapláss er mikið. Borðkrókur. Nýr fallegur gufugleypir, nýjar flísar á veggjum og parket á gólfi. 
Stofa er björt og rúmgóð með uppteknu lofti og stórum suðurgluggum. Upprunalega teiknuð sem tvö herbergi.  Hár veggur er með nýjum náttúrusteini og við hann stendur kamínan. Útgengt er úr stofunni á sólpall til suðurs og í heita pottinn í skjóli við húsið. 
Hjónaherbergi er rúmgott með nýlegum stórum fataskáp og nýju harðparketi á gólfi.
Barnaherbergin tvö eru með nýju harðparketi á gólfum og plássi fyrir frístandandi skáp.
Baðherbergið er rúmgott með handlaug og lýsingu í góðri innréttingu, flísalagt í hólf og gólf og með sturtu með glerskilrúmi.
Þvottahús er sérlega rúmgott og vel skipulagt, með flísum á gólfi, vaski í innréttingu og mjög miklu skápaplássi. Útgengt er á lóðina úr þvottahúsinu.
Geymslan er með fataslá, niðurfalli og nýju harðparketi. Þar má innrétta gestasalerni.
Bílskúr (bifreiðarýmið) er með kaldavatnskrana, niðurfalli og fjarstýringu á hurð. Stálhillur fylgja.
Stúdíóíbúðin í bílskúrnum er eitt rými með sérinngangi, lítilli forstofu, eldhúshorni, svefnkrók og lokaðri snyrtingu með sturtu. Dúkur er á gólfum. Gólf er örlítið sigið eftir jarðskjálfta 2008.
Gler hússins, hitalagnir og ofnar eru um 5 ára gamlir. Bárujárn er á þaki. Drenlagnir voru endurnýjaðar ca 2005. Áætlað er að leggja ljósleiðara í götuna í sumar.

Nánari upplýsingar veitir:
Bjarni Stefánsson lögmaður og löggiltur fasteignasali  s.899 1800 / [email protected]

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.500,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamati, þegar það er lagt á.
 



 

Senda fyrirspurn um eignina

Skilaboð hafa verið send.

Sjá söluyfirlit

Skilaboð hafa verið send.