Arnarhólsbraut 38 , 801 Selfoss
51.900.000 Kr.
Sumarhús
6 herb.
144 m2
51.900.000
Stofur
1
Svefnherbergi
4
Baðherbergi
1
Inngangur
Sér
Byggingaár
1974
Brunabótamat
44.000.000
Fasteignamat
45.500.000

Domusnova kynnir í einkasölu 144,4 fm sérlega vel staðsettan, vandaðan bústað í landi Öndverðaness í Grímsnesi. 18 holu golfvöllur á svæðinu. Bústaðurinn er í suðvestur enda sumarhúsasvæðisins sem mjög rólegt og sér, með óhindruðu útsýni til suðurs og að Ingólfsfjalli.  Rafmagnshlið er inná svæðið. Frítt í sundlaugina á svæðinu. Þar eru einnig félagsheimili/golfskáli sem hægt er að fá lánað fyrir afmæli og aðra mannfagnaði, leiktæki fyrir börn og lítill 6 holu golfvöllur, frítt fyrir lóðarhafa.  Umsjónarmaður starfar allt árið á staðnum og sér m.a. um rekstur sundlaugar og snjómokstur allt árið. Stutt er til þekktra staða á Suðurlandi og þar má nefna: Skálholt, Þingvelli, Laugarvatn, Flúði, Geysi, Gullfoss, Kerið og fleiri áhugaverða staði. Um 10 mínútna akstur í fjölbreytta þjónustu á Selfossi. Fallegar gönguleiðir og stutt í veiðisvæði. Bústaðurinn er um 65 km frá Reykjavík.

 Íbúðarými: 
Eldhús er með vandaðri hvítri innréttingu, granít borðplötu tvöföldum ískáp með klaka og vatnsvél, sem getur fylgt, innbyggð uppþvottavél, bar borð og útsýnisgluggi við vask til suðurs.
Stofa. Háir gluggar í stofu þar sem gengið er útá stórann pall sem snýr í vestur (sól eftir hádegi og kvöld).
Forstofa er flísalögð með innbyggðum fataskáp.
Svefnherbergi. Á hæðinni eru fjögur góð svefnherbergi, þar af þrjú með tvöföldum rúmum. Gengið út á suðurpallinn úr einu þeirra.
Baðherbergið er flísalagt á veggjum og gólfi, hvítum baðtækjum, með glugga, upphengdu salerni, vask í innréttingu með hvítri granít borðplötu og sturtu með stórum sturtuhaus.
Veggir, hurðir og aðrar innréttingar eru hvítar sem gefur húsinu bjart yfirbragðGólfefni. Gólfhiti, parket og flísar í ljósum litum.
Svefnloft með góðum gluggum í þrjár áttir er yfir allri hæðinni þar sem rúmast sjónvarpsaðstaða og svefnaðstaða fyrir fjölda manns.  Gólfflötur svefnloftsins er 62. fm. En eingöngu skráðir 15,6
Neðri hæðin.  Bjart 25 fermetra opið herbergi með tveim inngöngum sem gefur möguleika á að skipta í tvö rými með sér inngöngum. Annar er tvíbreið hurð sem hægt væri t.d. að koma golfbíl innum.
Húsið er að mestu leiti nýtt og hefur verið vandað til byggingar og innréttinga. Upphaflegt hús er byggt úr timbri árið 1974. Byggt hefur verið  við það og er allt endurnýjað í eldri hlutanum og allt orðið að einni heild.  Húsið er klætt með liggjandi bárujárni og litað járn á þaki.  
Lóð er 5000 fermetrar í eigu Múrarafélags Reykjavíkur. Á suðurhluta lóðar við húsið er skjólgóður pallur með heitum potti sem mögulega má tengja við affall hitaveitu. Við aðkomu að lóðinni er tilbúinn grasflöt það sem búið er að koma fyrir leiktækjum. Malar slóði liggur að húsi og meðfram því í norðurátt. Að öðru leiti er lóðin að mestu villtur gróður. Lóðarleiga er um 10.000 krónur á mánuði, er innifalið er aukagjald vegna framkvæmda við malbikun sem standa mun yfir í fáein ár. Búið er að malbika nánast heim að húsi.   

Nánari upplýsingar veitir Guðný Guðmundsdóttir aðstoðamaður fasteignasala/ s.821-6610 / [email protected]
Haukur Halldórsson löggiltur fasteignasali, [email protected], 695-9990.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
  1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.
  2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.000,- fyrir hvert skjal.
  3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
  4. Umsýsluþóknun fasteignasölu skv. gjaldskrá.
  5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.



 

Senda fyrirspurn um eignina

Skilaboð hafa verið send.

Sjá söluyfirlit

Skilaboð hafa verið send.